I-rundt-med-av-om: Erlend

Elskov.

erlend — Tue, 04 Mar 2008 11:17:47 +0000

Ja, kjære lesar, du las rett. Tittelen eg vel å bruke i dag er ein meir frimodig enn kva eg elles brukar. Det er fordi eg medan eg skumma gjennom ein nasjonalrapport om kongekrabben eg fann eit bilete som illustrerar kor stygg kongekrabben er. Berre sjå kor stygg den er. Og slikt kallar dei elskov.

Himmelen.

erlend — Mon, 03 Mar 2008 12:57:28 +0000

Eg er i himmelen. No verkar det som om alt brått har funne ut at det skal ta vegen, og halde seg unna grøfta. Det er bra. For berre i dag har fylgjande skjedd:

-eg fått masse flotte essemessar frå verdas desidert beste kjærast.

-eg har fått det bekrefta at Sogn og Fjordane Senterungdom ikkje har 100 medlemmer. Det har 101.

-eg har oppdaga at eg har tilgong til eit heilt enormt nettverk med vitskapelege artiklar om fornybar energi og miljø.

So om de ikkje ser meg før sumaren legg eg all skulda på sistnevnte.

Manndom.

erlend — Tue, 29 Jan 2008 11:24:43 +0000

Manndom vert definert ved korleis ein ter seg ved sjukdom. Då eg ikkje visar nokon som helst respekt for styggedomen kjenne eg meg særs maskulin.

Medisin er for skrelingar.

Det er også særs mannleg å få lesarinnleggja sine på trykk i Nationen.

Fylkesleiar.

erlend — Mon, 21 Jan 2008 15:19:18 +0000

I tillegg til alt det andre eg brått måtte utdjupe so har eg blitt fylkesleiar i Sogn og Fjordane Senterungdom.

Tenke seg til.

Kjærasten.

erlend — Fri, 18 Jan 2008 22:30:38 +0000

Eg tenkte eg måtte gjere litt meir greie for kjærasten min. Ho er verdas beste kjærast. Eg kan skjøne det om du vert arg og ueinig når eg påstår slikt, men kjærasten din vert om ho er heldig ein god nummer to. So eg tykkjer du skal sjå deg nøgd med det.

Men numero uno, ho er mi.

Men meir om det her seinara.

Attende.

erlend — Fri, 18 Jan 2008 22:21:17 +0000

Då var eg attende. Som Vetle-Ivar ville sagt det: “Då var eg attende, for satan”. Og det gjer godt! Å ha ein trykkventil ut i veven si deilige endeløyse er alltid ein fordel.

So kan ein jo tenkje på kva meininga med å halde seg inne med blogg skulle vere. Eg trur løysinga ligg i ordet som skipa begrepet blogg, nemleg weblogg. Og det er jo det det skal vera! For svarte. Gjerne svingande.

Kva har skjedd sidan sist:

-Ny jobb.

-Ny kjærast

-Slutta å studere

-Slutta med avhaldsprosjektet

Meir om dei forskjellige emna seinare.

Gambling.

erlend — Mon, 26 Nov 2007 07:52:52 +0000

Ah. Gambling. det er nesten ingenting som slår det kicket som slår inn når ein utfordrar skjebnen til ein vals som kan ende i helvete… Og medan ein står der og dansar, med svovellukta rivande i nasa, då kjenner ein seg mest levande. Akkurat no so har eg det slik. Eg har utsett innleveringa av nokre forsøk fram til no, 3 timar før dei skal innleverast. Det kreve ein nær overmenneskeleg innsats av meg for å få dei inn i tide, eg risikerar 1,5 års skulegong, eit halvt år av livet mitt kan no vere totalt frukteslaust, og kva gjer eg? Eg skriv blogg! Hahaha!

Det å vakne med panikkangst er jo ikkje fullt so kult, men der tykkjer eg kaffien må ta mykje av skulda.
Ein annan grunn til at eg vert so lyrisk til sinns er at Serj Tankian har gitt ut ei ny plate, og den er rett og slett fantastisk. Det han har gjort med Soad bleiknar på ein måte mot det nye materialet… Det er rett og slett fantastisk. Punktum. Sjekk ut herligheta sjølv på myspace!

http://profile.myspace.com/index.cfm?fuseaction=user.viewprofile&friendid=86508327

Bilete.

erlend — Fri, 23 Nov 2007 14:49:32 +0000

Eg såg over bloggen min i dag, og eg likte det eg såg. Men ein ting mangla, og det var eit bilete. Eg kom ikkje på noko spesiellt eg ville ha bilete av, men sidan eg tidlegare i dag oppdaga den spanande sida til British Museum, tenkte eg at eit bilete darifrå ville gjere susen.

Kos dykk

Eg, ein student?

erlend — Fri, 23 Nov 2007 12:33:46 +0000

Overskrifta lanserar her eit utruleg omfangsrikt og spanande spørsmål, som truleg kunne blitt summert opp i eit einaste ord, men det gjer eg ikkje. Difor får du her ei lengre utgreiing på spørsmålet “Er Erlend ein student?”:
Til både kvardags og fest kler eg, førar eg meg, og talar eg som ein student, men resultata uteblir. Desse resultata som visstnok skal vere essensielle for økonomisk støtte til vidare studieliv(Eg har enda tilgode å oppleve det, for alle gjeldsbrev eg har fått so langt har eg arkivert i vedomnen heime).

Og det det gong på gong desverre viser seg er at for å vere ekte student skal ein studere. Sjølv om eg alltid har sett på meg sjølv som ein språkkunnig ung mann har eg nok her utførd ein særs stygg skivebom. For no når eg har undersøkt nærare har betydninga for skumlesing sneke seg inn under studere. Eg burde nok sett varselslampa ljose då eg såg det som ein god idè å utsetje eksamenslesinga til dei siste 48 timane før eksamen, men det gjorde eg dog ikkje. Det heile resulterte i bokstaven og karakteren f for feil, eller failure(alt etter kva språk ein hugar mest om). Eller stryk om du er komplett idiot.

Av dette har eg lært at det ikkje er mogleg å oppnå ein intuitiv forståelse av kvantemekanikk gjennom å skumlese pensum dagen før. Eg har og lært betydninga av kva det vil seie å skumlese. Det at eg i det heile trudde det var mogleg å bløffe seg til ein ståkarakter på det her emnet viser at eg er ein enda større kødd(les. tullebukk) enn nokonsinne tidlegare. Difor har eg dei to påfølgjande dagane gått rundt med eit stort og lurt smil.

So om du har sett noko som fell inn under den beskrivelsen har du ikkje berre sett meg, nei, då har du også sett ein tullebukk.

Fruktbar rus.

erlend — Thu, 15 Nov 2007 08:53:52 +0000

Vel, med den nye lærdommen eg lærde frå førre innlegg vågar eg meg ut på å kaste ut ein ny språkleg brannfakkel:
“Høg på Pæra”.
For kva pære er det ein er høg på? Er det ei gamal ei? Som har gjæra og produsert æthylæder? Ein god gamaldags fuglerus?
Eller vert det referert til hovudet som pæra? I so fall er det jo ein fantastisk unøyaktig metafor, sidan svært få hovudskallar har den minste likskap med pærer. Men ein er jo, for å seie det på norvagisert engelsk, full av seg sjølv, når ein er høg på pæra. Dess meir eg tenkjer på det, dess meir fantastisk framand framstår uttrykket!
Håpar på konstruktive og oppklårande tilbakemeldingar.

Dette vert forøvrig det einaste innleggjet mitt denne veka, grunna eg har verken tid, energi eller kreativitet til å kome opp med nye ting, grunna føreståande eksamenar tappar meg for slikt. Det er i grunn ganske utruleg at eg i det heile skriv det her. Grunnt liksom. Nesten grunnlaust.